Baļtinovys dramatiskais kolektivs “Palādas” (latvīšu literarajā volūdā – “Pūces”) darbeibu suoce 1999. goda novembrī. Piec puora godu muokslinīcyskuos darbeibys kolektiva režisore Anita Ločmele, nūsaglobuojuse aiz pseidonima Danskovīte, Baļtinovys izlūksnē saraksteja lugys “Ontans i Anne” pyrmū daļu – tei beja luga par pošim baļtinovīšim. Tai īsasuoce latgaliskūs lugu tradiceja Baļtinovā. Izruode kliva par serialu, partū ka poši skateituoji pīpraseja turpynuojumu i pīduovuoja idejis, par kū vēļ varātu raksteit. 2010. godā piec “Ontons i Anne” motivu Latvejis Nacionalajā teatrī režisors Valdis Lūriņš īstudiejs tautys komedeju “Latgola.lv”. Specbolvu kulturā “Ontans i Anne” sajieme par eipašū aktivitati 2011. godā – izruode vysā Latvejā izruodeita 57 reizis.