Grupa “Dabasy Durovys” izdavuse jau sovu pīktū studejis albumu “Perimetrs”. Albums izdūts vinila platis formātā i elektroniski. Uzfilmāti divi videoklipi dzīsmem “Gorā Seits” i “Aizliegums”. Snīgti divi albuma prezentacejis koncerti Daugavpiļī, klubā “Artilerejis Pogrrobi” i Reigā, klubā “Kadagi Piens”.

“Da šam asam sovys dzīsmis aranžiejuši poši, bet itamā reizē tū ir paleidziejuši izdareit cyti muziki –  Einārs Lipskis (dzīsmis “Ceļaviejs”, “Reits”, “Gorā Seits”, “Aizliegums”) i Zurabi Ivanāns (dzīsmis “Būs vai nebūs”, “Ūglis”). Sadarbeiba ar cytim muzikim daudzom albuma dzīsmem pīškāruse svaiguoku i grupai naīrostu skaniejumu. Albums ir eipašs ari ar tū, ka vairuoku dzīšmu tekstim izmontuoti Latvejis dzejnīku radeiti dorbi – Ojāra Vācieša (dzīsme “Akmenī”), Andryva Jūrdža (dzīsme “Leiču, leiču”), Lidijis Slišānis (dzīsme “Ar dzeloņiem uz iekšu”), Ontona Kūkoja (dzīsme “Reits”), tai par jaunū albumu soka poši muziki.