Latgalīšu hiphopa grupa “Latgalīšu Reps” 2021.goda 19. martā izdavuse ūtrū studejis albumu ar nūsaukumu “Cyta Dzela”, tymā apkūpuotys 13 jaunys dzīsmis.

Nūsaukums “Cyta dzela” apzeimej grupys redziejumu – “Īmam sūli augšuok lobuokā kvalitatē i izpiļdejumā. Nikod nazynim, kas myus dzeivē sagaida, bet cikom nu gaisa nakreit akmini, dzeivē vyss ir kuorteibā, īmam iz prīšku, nasaverūt iz tū, ci myusim ir pasaveics ci nā.”

Albumā “Cyta dzela” var dzierdēt vairuokus muzykys žanrus, kas savīnuoti ar tekstim gon latgaliski, gon ari latvyski. Didzis i Ivo dzīd i repoj gon par mīlesteibu pret saimi, gon ari dzymtajom sātom. Taipoš albumā var dzierdēt ari “Latgalīšu Repa” i grupys “Bez PVN” kūpdorbu – dzīsmi “Stuovi”. “Latgalīšu Reps” sasadorbuoja ari ar reperi Faktu i dzīduotuoju Sandu.