Muzikim Kārlim Kazākam Latgola ir eipaši tyva, koč ari pošam senči naīt nu Latgolys, Latgola, latgalīšu volūda i iteinis ļauds jam ir eipaši meili, jis Latgolai mīlesteibā caur dzīsmem atsaziņs vairuokkurt. Ari projektā “Dzirdi balsis ar Kārli Kazāku”.

LTV1 2017. goda rudinī ruodeja raidejumu cyklu “Dzirdi Balsis ar Kārli Kazāku”, kurā muzikis Kārlis Kazāks brauc iz vysaidom Latvejis vītom, kab radeitu dzīsmis vītejā izlūksnē, pošam pīdzeivojūt i cytim ruodūt latvīšu volūdys boguoteibu. Muzikis gasteja i dzīsmis radeja ari Zīmeļlatgolā (Baļtinovā), Dīnvydlatgolā (Ondrupinē). Raidejuma laikā topušuos dzīsmis tyka izspālātys koncertā i izdūtys CD. Tys ir da šam nabejs muzykals projekts.

2017. godā muzikis vasalys divejis reizis koncertieja Latgolys viestnīceibā GORS – gon kai solo muokslinīks albuma “Kārlis Kazāks un Viņa” koncertā, gon ar projekta “Dzirdi balsis ar Kārli Kazāku” dzīsmem. Kotrā koncertā (i na tikai Latgolā) muzikis veļtej uzmaneibu ari dzīsmem latgaliski.