Kotru pīktdīni laikā nu 15.05 da 16.00 Latvejis Radejis 1 trejuos Latgolys frekveņcēs skanēs Latgolys multimedeju studejis veiduota programa, nu puorejuos LR1 frekveņcēs turpynuos skanēt īrostuo programa. Stuņdi garajā raidejumā “Latgolys stuņde” skaņ diskusejis ar Latgolys regiona uzjiemiejim, politikim i sabīdriski aktivim cylvākim, kai ari regiona aktualitatis i kulturys nūtikšonu afiša.

Raidejums teik translēts na tikai radejis tīšraidē, bet gondreiž kotru reizi ari video formata tīšraidē socialajā teiklā Facebook.