Apvīneibā „V.I.V.A.” nu 2006. goda dorbojās četrys Latgolys gleznuotuojis – Vēsma Ušpele, Ilze Griezāne, Vija Stupāne i Agra Ritiņa. Muokslineicys ir vīnys nu aktivuokajom Latgolys muokslys ļaudim, taisūt izstuodis, pīsadolūt pasuokumūs i puorstuovūt Latgolys muokslu ari nūtikšonuos uorzemēs. Pārn, sajamūt eipašu Reigys dūmis aicynuojumu, Sv. Pītera bazneicā Reigā tyka atkluota „V.I.V.A.” izstuode „Laimes formula Latgalē”, kurymā sūpluok muokslineicu gleznom īsadzeivuoja ari Latgolys pūdnīku dorbi.