2020. goda golā latgalīšu dzejnīkam, publicistam, kulturys i sabīdryskajam darbinīkam Ontonam Kūkuojam palyktu 80. Par gūdu tam tyka aizuokta juo literaruo montuojuma transformaceja jaunūs formatūs – muzykaluo dzejis izruode, puorizdūta gruomota “Mīlesteiba, Lelais Līpu kolns”, izveiduota Facebook lopa, planavuots taiseit izstuodi i sarokstu var turpynuot, Bet nūteikti juopīmiņ, ka itys ir vīns nu beineiguokūs aktivitašu kūpumu, jo tys ari īkļaun tūs, kurim dzeivē nav tik cīši pasaveics – naredzeigūs. Puorizdūtajai gruomotai “Mīlesteiba, Lelais Līpu kolns” ir davīnuots braila roksts i QR kods, kas aizvad iz izruodi škārsteiklā, kuru skaiteituojs var reizē klauseitīs.