Pīters Luocs dzims 1945. godā, piec profesejis ir elektrikis, bet sovu myužu veļtejs latgaliski drukavuotuo vuorda saglobuošonai i sova radinīka, tāva bruoļa gruomotizdevieja Vladislava Luoča (Lōča) pīminis saglobuošonai. 1992. godā P. Luocs nu Minhenis (Vuocejā) iz dzimtini puorvad lelu daļu nu Vladislava Luoča izdūtuo montuojuma i suoc veiduot veiduot pīmiņu tāvabruoļam i latgalīšu rakstnīceibai. Izveiduojs latgalīšu gruomotu i cytu viesturis līceibu privatkolekceju, tai dūdūt nūsaukumu “Vladislava Lōča latgalīšu rakstnīceibys muzejs” (LRM). Muzejs (sataiseits Rēzeknē 2001. godā) ir vīneigais Latgolys, Latvejis i ari pasauļa latgalīšu rakstnīceibys muzejs ar pastuoveigu ekspoziceju, kai ari Latgolys izceļsmis literatu latgaliskuos mentalitatis spiecynuotuojs.