Latgalīšu kulturys ziņu portals lakuga.lv, kū uztur bīdreiba “LgSC”, dorbojās jau nu 2007. goda i tys vēļ arviņ ir vīneigais medejs pasaulī, kurs saturu sagatavej tikai latgalīšu rokstu volūdā i gondreiž kotru dīnu pīduovoj jaunu informaceju puorskaiteišonai. Portala saturs ir dažaids i daudzveideigs: viests, intervejis, aproksti, recenzejis, stuosti, pietejumi, kulturys testi, īsacejumi, raksteibys padūmi, literatūs dorbu pyrmpubliciejumi i redzīni par i ap latgaliskū kulturu.

2021. goda suokumā portala darbeiba beja nūklususe, bet leidza ar jaunu komandu tys vēļ aktivuok kai pyrma tuo aprelī darbeibu atsuoce, da goda gola publicejūt vaira nakai 420 rokstu (ka saleidzynoj ar vysu 2020. godu, tod tys ir par 120 rokstim vaira).