2017. godā postfolklorys grupa “Rikši” laiduse klajā vairuokys jaunys dzīsmis i kluotīnē ar sovu uzastuošonūs prīciejuse naskaitomūs koncertūs Latvejā i uorzemēs, aktivi popularizejūt latgaliskuos dzīsmis i dančus. Grupu “Rikši” nūteikti var saukt par vīnu nu aktivuok muziciejūšom latgalīšu muzykys grupom i cīši tycams, ka tei ir vysvaira uorzemēs uzastuojušuo latgalīšu grupa.

Septembrī grupa snīdze Reigys lelkoncertu “Sieju sovu” muzykys nomā Daile.