Rēzeknis nūvoda vokaluo studeja “Skonai” – Rūtaļa

“Cīši vajadzeigs izdavums!” – tai par Rēzeknis nūvoda vokaluos studejis “Skonai” albumu “Rūtaļa” jau dzierdāts ituo goda suokumā. Vajadzeigs aiz tuo, ka muzyka taišni bārnim (latgaliski taidys ir cīši moz) i albumā ir ari vysu 12 dzīšmu instrumentalais pavadejums, kab bārni cytur poši ari varātu dzīduot. Vokaluo studeja i albums ir Guntrys Kuzminys-Juknys aukliejums, eipaši rodūt jaunys dzīsmis bārnim ar Ontona Slišāna dzeju – niu izdzīdomi daudzi popularī Ontona dzejūli. Muzykys autori ir poša Guntra i juos kolegis vairuokūs muzykys projektūs – Ingars Gusāns (Sovvaļnīks).

Albums vaicojams i nūklausoms CD formatā.

Paraleli jaunajam albumam “Skonai” regulari koncertej dažaiduos nūtikšonuos i veidoj sovus koncertus.