Latgalīšu dzīsminīks Vinsents Kūkojs sovu ilgstūšū darbeibu autordzīsmu sacereišonā 2017. godā ir vainogōjs ar albuma “Breineigō nosta” izdūšonu. Albumā ir īraksteitys 17 Vinsenta Kūkoja sacereitōs dzīsmis ar Ontona Kūkoja i poša dzīsminīka vōrdim. Popularōkō nu tom “Ilgoito” ar Ontona Kūkoja vōrdim. Albums tyka prezenteits kupli apmekleitā pasōkumā 2017. goda 7. majā Lūznavas muižā, kurā pīsadalieja arī gosti dzīsminīki Haralds Sīmanis i Egons Pičners. Vinsents Kūkojs kai dzīsminīks jam aktīvu daleibu na tikai Latgolys ikgadejūs muzykalajūs pasōkumūs “Upeitis uobeļduorzs”, tautys muzikantu saītā Vabōlī i Rogovkā “Večerinkā O,bļaka”, bet arī “Muzykys skrytuļs” i šūgod “Latgaļīšu volūdys nakts”. Bez tam jau ūtrū godu Vinsents Kūkojs koncertēja muzykys i mōkslys festivāla “Bildes” dzīsminīku koncertā Reigā, kai arī Vislatvijas dzīsminīku i tautys saītā Jaunpiebalgas “Lielkrūzēs”. 8. Latvejys dzīsminīku i tautys saīta 2017. goda dzīsminīku albumā “No zobena saule lēca” ir īvītōta ari Vinsenta Kūkoja dzīsme “Laimys kūks”. Taipat Vinsents Kūkojs 2017. goda 8. janvārī ir pīsadalies televizejis raidejumā ŖeTV “Vilciens Rīga-Valka”, kur dzīdōja sovys sacereitōs dzīsmis, t.sk., ari latgalīšu volūdā.