Latgalīšu kulturys goda bolva BOŅUKS
Latgalīšu kulturys goda bolva BOŅUKS 2020
NŪLYKUMS
Latgalīšu kulturys goda bolva teik taiseita ar mierki apkūpuot lobuokū, spylgtuokū i svareiguokū padareitū i nūtikšonys pārnejā godā latgaliskajā kulturā, gūdynojūt aktivuokūs latgalīšu kulturys puorstuovus, popularizātuojus, kai ari veicynojūt jaunradis i kulturys daudzveideibys atteisteibu iz prīšku. “Boņuks 2020” tiks gūdynuotys tuos personeibys, nūtikšonys i aktivitatis, bez kuru vysa vaira nabyutu īsadūmojama latgaliskuo kultura 2020. godā.
Projekta ideja i mierki:
Veicynuot latgalīšu kulturvidis saglobuošonu i atteisteibu. Apkūpuot i gūdynuot spylgtuokūs i nūzeimeiguokūs sasnāgumus, nūtikšonys, personeibys latgalīšu kulturā pārnejā godā.
Bolvys reikuotuoji:
Latgolys viestnīceiba GORS
Nominaceju pretendenti:
Fiziskys voi juridiskys personys, kas sovā darbeibā i jaunradē sagloboj, atteista i popularizej latgalīšu kulturu, izmontoj latgalīšu volūdu i atbiļst kaidai nu nūlykumā minātūs kategoreju. Bolva teik daškierta par spylgtu, kvalitativu, sabīdryski nūzeimeigu, sabīdreibys i profesionaļu atzineibu dabuojušu darbeibu voi jaunradi latgaliskuos kulturys laukā 2020. godā. Pretendentam nav obligata praseiba byut raksteitam, radeitam voi kai cytaiž izapaudušam latgaliski, tys latgaliskuos vierteibys i latgaliskū kulturu var nest ari cytuos volūduos.
Pretendentu dasaceišona:
Nominantus latgalīšu kulturys goda bolvai “Boņuks 2020” var īsnēgt da 2021. goda 8. janvara. Vīnu aktivitati, personeibu, nūtikšonu, dorbu var dasaceit vairuokuos kategorejuos. Dasacejuma anketa daīmama kai elektroniskā, tai izdrukavojamā formatā bolvys sātyslopā http://bonuks.lv i Latgolys viestnīceibys GORS sātyslopā http://latgalesgors.lv. Vysūs dasacejumūs eipaši teik vārtāts padareitais latgaliskajā kulturā taišni konkretajā godā. Žureja īsoka īsnēgt izdavumus, gruomotys, dzīsmis, albumus, video, raidejumus i c., kas publiski pasaruodejuši da 2020. goda 20. decembra. Bolvys dasacejuma anketa teik pījimta ari drukavuotā formatā, dasacejumu syutūt pa postu (pošta štempeļs da 7. janvara): Latgalīšu kulturys goda bolvai “Boņuks 2020”, Latgolys viestnīceiba GORS, Piļs īla 4, Rēzekne, LV-4601.
Bolvys sajiemieji:
Bolva teik padūta 10 spylgtuokajom nūtikšonom, personeibom, aktivitatem voi cytom iniciativom pārnejā godā latgaliskajā kulturā kategorejuos “Volūda. Literatura. Publicistika”, “Nūtikšonys. Aktivitatis. Personeibys” i “Audio. Video”. Vīna atseviška bolva bez īprīšk 10 nūsauktūs teik padūta nominacejā “Par myuža īguļdejumu latgalīšu kulturys atteisteibā”.
Pretendentu viertiešona:
Bolvys žureja nu īsnāgtūs pretendentu, izviertejūt vysus sajimtūs dasacejumus, atlosa vysmoz 30 bolvys nominantus, kurī teik izziņuoti 2021. goda janvara golā. Februara suokā žureja nu nominantu apstyprynoj desmit bolvys sajiemiejus, kurī teik paziņuoti bolvys ceremonejā 2021. goda 28. februarī Latgolys viestnīceibā GORS. Bolvys “Par myuža īguļdejumu latgalīšu kulturys atteisteibā” sajiemiejs teik paziņuots vysmoz divejis nedelis pyrma ceremonejis. Lāmumu par bolvys sajiemieju nominacejā “Par myuža īguļdejumu latgalīšu kulturys atteisteibā” pījem bolvys reikuotuoji, konsultejūtīs ar bolvys žureju.
Žureja:
Bolvom dasaceitūs pretendentus vērtēs īprīšk sataiseita komiseja, kurys vydā ir:
• dalinīki ir profesionalu pīredzi, dorbojūtīs kotrā nu kategoreju sferom;
• dalinīki, kurī ir zynomi, ar dorbim i pīredzi atzeiti vīdūkļu lideri latgaliskajā kulturā;
• bolvys reikuotuoju (Latgolys viestnīceibys GORS) puorstuovi;
• latgaliski raidūšūs i rokstūšūs medeju puorstuovi;
• īprīškejuos reizis latgalīšu kulturys goda bolvys “Boņuks” sajiemieji.
Kotrai nu bolvys kategoreju teik taiseits atškireigs komisejis sastuovs. Kūpā žurejā dorbojā vysmoz 25 komisejis dalinīki. Gadīnī, ka kaids nu komisejis dalinīku ir saisteits ar kaidu nu kategoreju voi rūnās interešu konflikts, jis/jei napīsadola konkretuos kategorejis kandidata izviertiešonys procesā.
Kategoreju skaidruojumi:
“Volūda. Literatura. Publicistika”
Kategorejā var dasaceit pretendentus, kas atsatīc iz volūdys, literaturys, publicistikys laukim – kai latgaliski izdavumi, tai atseviški dorbi, aktivitatis, raidejumi, žurnalistikā padareitais, nu jauna sataiseitais, ari myusdīnu tehnologeju sferā latgaliski dareitais i c. Dasokūt bolvai gruomotys i cyta veida izdavumus, dasaceituoji apsajem bolvys žurejai īsnēgt gruomotys ci izdavuma eksemplaru elektroniskā i/ci drukavuotā formatā.
“Nūtikšonys. Aktivitatis. Personeibys”
Kategorejā var dasaceit pretendentus, kas nūtykuši, bejuši, darejuši dorbus latgaliskajā kulturā 2020. godā. Leluokys i mozuokys sabīdryskys i vaļstiskys nūtikšonys, pasuokumi, koncerti, teatra izruodis, muokslys pasuokumi i aktivitatis, akcejis, projekti, dareišonys internetā, ļauds – kulturys darbinīki, saiminīki, amatnīki, muokslinīki i cyti, kurūs dareitais 2020. godā eipaši gūdynojams i pamets pādus latgaliskajā kulturā.
“Audio. Video”
Kategorejā var dasaceit audio i video dorbus muzykys, muokslys, kino, TV, interneta sferuos – vysu, kū var nūsavērt i/ci nūsaklauseit latgaliski i kas radeits, publicāts, viereibu dabuojs 2020. godā. Dasokūt bolvai konkretys dzīsmis, albumus ci video, dasaceituoji apsajem bolvys žurejai īsnēgt albuma, dzīsmis ci video verseju elektroniskā formatā.
Viertiešonys kritereji:
1. Cik latgaliskys i/voi Latgolys kulturys vierteibys nasūšs ir pretendents, aktivitate;
2. Cik aktivs pretendents ir bejs vysa goda laikā;
3. Kaidu rezonansi regionā, vaļstī voi plašuokā mārūgā raisejuse pretendenta darbeiba (kū leluoka, tū viertejams augšuok);
4. Pretendenta snāguma kvalitate (muokslinīcyskuo, volūdys, publicitatis, aktivitatis i tml.).
5. Pretendenta snāguma ilgtspieja – kaidus pādus nūtikšona, personeiba, aktivitate pamess godim iz prīšku.
Sasazynuošonai:
bonuks@rezekne.lv i 64633303
VIERTIEŠONA
Bolvys „Boņuks 2020“ žurejis komisejis viertejumus par pretendentim itūgod deve rekordlels žurejis komisejis lūcekļu skaits – 56 latgaliskuos kulturys puorzynuotuoji, īprīškejuo goda bolvu sajiemieji, medeju puorstuovi, bolvys reikuotuoju puorstuovi, latgaliskuos kulturys sabīdryskī aktivisti i attīceigūs sferu pīaicynuotī eksperti, kurūs kasdīna nav saisteita ar latgaliskū kulturu. Kategoreju „Volūda. Literatura. Publicistika“ vērtēja 19 žurejis lūcekli, „Audio. Video“ – 19 žurejis lūcekli i „Aktivitatis. Nūtikšonys. Personeibys“ – 32 žurejis lūcekli (vairuokim ekspertim beja juoizviertej vaira nikai vīna kategoreja). Žureja īsnāgtūs nominantus izviertej divejuos kuortuos – pyrmuo ir nakluotīnē, kod teik vārtāti vysi īsnāgtī pretendenti, bet ūtrei itūgod byus attuolynuotuo kuorta, kurā žurejis lūcekli diskutej i izviertej jau 30 nominantus. Ar „Boņuka“ muola statuetem teik gūdynuoti tī 10 pretendenti, kuri sajem vysa leluokū punktu skaitu obejuos kuortuos. Bolvys „Par myuža īguļdejumu latgalīšu kulturys atteisteibā“ sajiemiejs publiski tiks paziņuots februara vydā.
ŽUREJIS KOMISEJA
Žurejis komisejā, izviertejūt pretendentus „Boņuks 2020” pīsadaleja:
1. Dzejneica i žurnaliste Anna Rancāne
2. Tekstilmuokslineica Annele Slišāne
3. Literaturzynuotneica, Latvejis Republikys Izgleiteibys ministre Ilga Šuplinska
4. Volūdneica Lidija Leikuma
5. Portala lakuga.lv redaktore Vineta Vilcāne
6. Žurnaliste i volūdneica Maruta Latkovska
7. Žurnaliste i volūdneica Sandra Ūdre
8. Literaturzynuotneica Ilze Sperga
9. Literats Oskars Orlovs
10. Literats i literaturzynuotnīks Valentīns Lukaševičs
11. Latvejis Radio Latgolys studejis vadeituoja Renāte Lazdiņa
12. Latgalīšu kulturvidis aktivists Voldemārs Ivdris
13. Latgalīšu gruomotu tierdznīceibys veicynuotuojs Artis Logins
14. Muzikis i viesturnīks Arnis Slobožaņins
15. Gruomotys “Syltuo mola” autore Egita Kancāne
16. Muokslys viesturneica Evija Vasilevska
17. Dagdys nūvoda folklorys centra vadeituoja, izdavuma “Dagdys nūvoda pyura skreinis gruomota” autore Inta Viļuma
18. Dzejneica i publiciste Ligija Purinaša
19. Latvejis Republikys kulturys ministra padūmneica sabīdryskūs attīceibu vaicuojumūs Inga Vasiļjeva
20. Muzikis i uzjiemiejs Juris Vucāns
21. Dzīsminīks i TV raidejumu vadeituojs Kārlis Kazāks
22. Muzikis i latgaliskūs projektu vadeituojs Guntis Rasims
23. Komponiste, bolvys puorstuove Ilona Rupaine
24. Latgolys viestnīceibys GORS vadeituoja Diāna Zirniņa
25. Muzykys izdeviejs i dzīšmu autors Guntars Račs
26. Latgolys regionaluos televizejis puorstuove, žurnaliste Ausma Sprukte
27. Radio Pieci.lv personeiba i didžejs Toms Grēviņš
28. Muzykys producents Rūdolfs Budze
29. Muzykys žurnalists Orests Silabriedis
30. Latvejis Radio 2 personeiba Roberts Buivids
31. Žurnalists i melomans Kaspars Zaviļeiskis
32. Muzikis i radio raidejumu vadeituojs Ēriks Zeps
33. Namaterialuo kulturys montuojuma eksperte Gita Lancere
34. Komponists Juris Vaivods
35. Latgalīšu tradicionaluos kulturys eksperte Ruta Cibule
36. Latvejis Nacionaluo kulturys centra vadeituoja Signe Pujāte
37.Latgalīšu kulturvidis aktivists Juris Viļums
38. Latgolys žurnala “A12” redaktore Ināra Groce
39. Latvejis Republikys kultturys ministra biroja vadeituoja Marika Zeimule
40. Jaunatnis lītu specialists i TV šovu dalinīks Oskars Bērziņš
41. Latgolys Regiona atteisteibys agenturys direktors Māris Bozovičs
42. Latgolys planavuošonys regiona puorstuovs Oskars Zuģickis
43. A/S “Latvijas Valsts meži” puorstuovs Tomass Kotovičs
44. Portala “Delfi.lv” socialūs teiklu satura redaktore Andra Čudare
45. Daugovpiļs Marka Rotko muokslys centra vadeituojs Māris Čačka
46. Muokslineica i Vaļsts kulturkapitala fonda eksperte Agra Ritiņa
47. Portala “Travelnews.lv” vadeituojs i turisma eksperts Aivars Mackevičs
48. KUUP COFFEE saiminīki Oskars i Jolanta Maculeviči
49. Latgalīšu filantrops Pīters Aloizs Ragaušs
50. Ludzys nūvoda Turisma informacejis centra vadeituoja Līga Kondrāte
51. Žurnalists Tenis Bikovskis
52. Daugovpiļs teatra vaļdis lūcekle Rita Strode
53. Raidejuma “Kolnasāta” producente Guna Igavena
54. Žurnaliste Egita Terēze Jonāne
55. Rēzeknis teatra “Joriks” muokslinīcyskais vadeituojs Mārtiņš Eihe
56. Literaturiste, žurnaliste i producente Marta Selecka
Sadaļu “Literatura. Volūda. Publicistika” vērtēja 19 žurejis komisejis lūcekli: Anna Rancāne, Annele Slišāne, Ilga Šuplinska, Lidija Leikuma, Vineta Vilcāne, Maruta Latkovska, Sandra Ūdre, Ilze Sperga, Oskars Orlovs, Valentīns Lukaševičs, Renāte Lazdiņa, Voldemārs Ivdris, Artis Logins, Arnis Slobožaņins, Egita Kancāne, Evija Vasilevska, Inta Viļuma, Ligija Purinaša, Inga Vasiļjeva
Sadaļu “Audio. Video” vērtēja 19 žurejis komisejis lūcekli: Juris Vucāns, Kārlis Kazāks, Guntis Rasims, Ilona Rupaine, Diāna Zirniņa, Renāte Lazdiņa, Guntars Račs, Ausma Sprukte, Oskars Orlovs, Toms Grēviņš, Rūdolfs Budze, Arnis Slobožaņins, Roberts Buivids, Orests Silabriedis, Kaspars Zaviļeiskis, Ēriks Zeps, Gita Lancere, Juris Vaivods, Voldemārs Ivdris
Sadaļu “Nūtikšonys. Aktivitatis. Personeibys” vērtēja 32 žurejis komisejis lūcekli: Anna Rancāne, Guntis Rasims, Ruta Cibule, Ilona Rupaine, Signe Pujāte, Vineta Vilcāne, Renāte Lazdiņa, Juris Viļums, Ausma Sprukte, Ināra Groce, Marika Zeimule, Oskars Bērziņš, Diāna Zirniņa, Voldemārs Ivdris, Māris Bozovičs, Oskars Zuģickis, Tomass Kotovičs, Andra Čudare, Māris Čačka, Agra Ritiņa, Ēriks Zeps, Aivars Mackevičs, Oskars i Jolanta Maculeviči, Pīters Aloizs Ragaušs, Inga Vasiļjeva, Līga Kondrāte, Tenis Bikovskis, Rita Strode, Guna Igavena, Egita Terēze Jonāne, Mārtiņš Eihe, Marta Selecka
Bolvai dasaceitūs pretendentu viertiešonys pīmārs
