BOŅUKS 2024 PAR MYUŽA ĪGUĻDEJUMU
Par myuža īguļdejumu latgalīšu kulturys atteisteibā gūdynuota latvīšu volūdys i literaturys školuotuoja, Latgalīšu volūdys, literaturys i kulturviesturis školuotuoju asociacejis vadeituoja Veronika Dundure.
Veronika Dundure ir Nautrānu vydsškolys latvīšu volūdys i literaturys školuotuoja i nu 2001. gods – Latgalīšu volūdys, literaturys i kulturviesturis asociacejis vadeituoja. Dzymuse i auguse Kuorsovā, kur ari pabeiguse vydsškolu. Piec vydsškolys absolviešonys davusēs iz Reigu, kur studējuse Latvejis Universitatis Filologejis fakultatē. Veronikai latgalīšu volūda ir tyva jau nu bierneibys, kam jei ir auguse latgaliski runojūšā saimē. Latgalīšu volūdai i literaturai Veronika Dundure vaira pīsavārsuse paguojušuo godu symta 80. godūs. Pasasokūt juos dorbam, jau vaira nakai 20 godu teik organizāts skotivis runys konkurss “Vuolydzāni” i latgalīšu rokstu volūdys i kulturviesturis olimpiade, kurai nu 2013. gods ir vaļsts atkluotuos olimpiadis statuss. Latgalīšu volūdys, literaturys i kulturviesturis asociaceja regulari organizej konferencis, seminarus, skaidroj institucejom par vajadzeibu vuiceit latgalīšu volūdu školuos. Pasasokūt Veronikys i asociacejis naatlaideigajam dorbam, itūšaļt školuos latgalīšu rokstu volūdu ir vareiba vuiceitīs 1.-9. klasē, kai ari specializātū kursu – vydsškolys klasēs, izmontuot vuiceibu materialus “Olūteņš”, kas ir pyrmais dorbs kompleksai latgalīšu rokstu volūdys i nūvodpietnīceibys apgivei. Veronika Dundure ir školuotuoju vosorys kursu “Vosoruošona” iniciatore, kas guodoj par školuotuoju izaugsmi, reikoj regularys latgalīšu volūdys školuotuoju apvuiceibys.
BOŅUKS 2024 SIMPATEJIS BOLVA – ŽYKS
Itūgod sabīdreiba ir nūsprīduse, ka 2024. gods simpatejis bolvys – “Žyks” – sajiemiejs ir raidejumu cyklys “Pazudušū pādu retrospekceja – pīrūbeža”. ” Tys ir 6 raidejumu kūpums, kur skateituojs var sekuot leidza diveju jaunīšu puorguojīņam pa Latgolys pīrūbežu maršrutā Leidumnīki – Zylupe – Ezernīki – Indra – Pīdruja, īpazeit tuos cylvākus i elpu aizraunūšūs dobys skotus. Idejis autori i realizātuoji ir Ričards Benislavskis i Edijs Strušels, kas īpazeistynoj skateituojus ar kulturviesturis faktim, intervej vītejūs dzeivuotuojus i snādz koncertus, izpyldūt i Romulda Jermaka klavīrmuzyku, i muzyku nu Edija Strušela speciali itam projektam radeituo cykla “Pi(Rūbeža)”. Ričards i Edijs ir taisejuši itū raidejumu pošu spākim vysā projekta garumā, suocūt nu viesturis faktu analizis i maršruta sastateišonys, turpynojūt ar tehniskū nūdrūsynuojumu audio i video failu registriešonai, fona muzykys īraksteišonu i beidzūt ar video montažu, publiciešonu i populariziešonu socialajūs teiklūs.
BOŅUKS 2024 SAJIEMIEJI
Koncertizvadums "FOLK PASIJA: Francis Trasuns"
Vinilplate Seimaņs Putāns "Caur bolsim as eju" i koncertizruode "Putāns.Toreiz un tagad."
Literaruos jaunradis latgaliski veicynuošonys programa
Jura Urtāna gruomota "Latgales pilskalni un to folklora"
Juoņa Gleizda symtgadei veļteitī pasuokumi
Folklorys kūpys "Upīte" projekts – kolhoza laiku dzīšmu atjaunuošona
Evija Maļkeviča-Grundele, muzeja "Andrupenes lauku sēta" nūvodpietneica
Daugovpiļs teatra izruode latgaliski "Kaids nūteikti atīs"
Bronislavys Martuževys fonds
Amandys Anusānis i Liānys Merņakys ceļojūšuo izstuode
BOŅUKS 2024 NOMINANTI
Koncertizvadums "FOLK PASIJA: Francis Trasuns"
Vinilplate Seimaņs Putāns "Caur bolsim as eju" i koncertizruode "Putāns.Toreiz un tagad."
Valentina Lukaševiča vītu stuostu kruojums "Dīnvydlatgolys stuosti"
Ūgys albums "Čardaukšu rūtaļa"
Sandis Zučiks i bīdreiba "Danču krātuve"
Raidejumu cyklys "Latgolys revizeja"
Raidejumu cyklys "Pazudušū pādu retrospekceja – pīrūbeža"
Pīminis i atkluošmu gruomota "Vitolds Valeiņs: personeiba i dorbi"
Nikolis Nauys gruomota "Seven hundred Latgalian words"
Literaruos jaunradis latgaliski veicynuošonys programa
Latgalīšu volūdys tezaurs (pilotverseja)
Latvejis Radejis īstudiejums "Francis"
Koncertizvadums "Atīšona" – Ilze Sperga, Ieva Parša i Rihards Plešanovs
Komponista Edgara Mākena minialbums "Treis putneņi"
Jura Urtāna gruomota "Latgales pilskalni un to folklora"
Juoņa Gleizda symtgadei veļteitī pasuokumi
Inga Vigule, Nautrānu kulturys centra kulturys pasuokumu organizatore
Grupys “Dabasu Durovys” albums “Dīnys i nadīnys”
Grupys “Borowa Mc” 20 godu jubilejis koncerts i dzīsme "Prūjam juoīt"
“Google Translate” latgaliski
Folklorys kūpys "Dyrbyni" pyrmais muzykys albums "Ontona monts"
Folklorys kūpys "Upīte" projekts – kolhoza laiku dzīšmu atjaunuošona
Festivala "LNSO Vasarnīca" Latgolai veļteituo koncertprograma "Simfo. Etno. Džezs"
Evija Maļkeviča-Grundele, muzeja "Andrupenes lauku sēta" nūvodpietneica
Dr.hist. Henrihs Soms
Daugovpiļs teatra izruode latgaliski "Kaids nūteikti atīs"
Bronislavys Martuževys fonds
“Black Rooster Kapelye” debejis albums “Vos Mir Zaynen”
Anitys Mileikys dzejūļu kruojums “ziņas par gadalaikiem”
Amandys Anusānis i Liānys Merņakys ceļojūšuo izstuode
Kūpumā Latgolys viestnīceiba GORS itūgod beja sajāmuse 127 pretendentu dasacejumus bolvys sajimšonai, nu kurūs žurejis komiseja nominacejai tradicionali vierzeja 30 pretendentus. Ar nominantu sarokstu var īpasazeit ite: https://bonuks.lv/zynomi-bonuks-2024-nominanti/