2017. godā iz latgalīšu muzykys skotuvis sevi dasaceja hip hopa apvīneiba “Latgalīšu reps”, kliustūt na tikai par latgalīšu, bet ari latvīšu muzykys sensaceju. Dzīsmis “Skots pa lūgu” fragments izmontuots ari jaunakā kinā “Ar putām uz lūpām”. Bez ituos dzīsmis “Latgalīšu reps” 2017. godā izlaide vēļ 3 dzīsmis.

Apvīneibā dorbojās Ivo Grigalis i Didzis Kozlovs, kuri dzīsmis izpylda tikai latgaliski. Aizvadeitajā godā apvīneiba uzjāme treis video klipus i uzsuoka dorbu pi sova pyrmuo albuma īraksteišonys. Ivo i Didzis gasteja ari vairuokūs medejūs, Latvejis Radejis raidejumā “Kolnasāta”, LNT Brokastis, snīdze interveju žurnalā “A12”, par apvīneibu raksteja dažaidi interneta portali. Pīsadaleja lobdareibys maratonā “Dod pieci 2017!”, snīdze koncertus Ludzā, Reigā i Rēzeknē.