Etnomuzykys apvīneiba “Muosys”, kurā muzicej treis muosys i reizē profesionalys muzikis, izdavuse sovu debejis albumu “Ceļā”. Jaunajā albumā vydā ir treispadsmit kompozicejis – latgalīšu tautysdzīšmu aranžejis i grupys originalmuzyka – tūs skaniešonā sasavej grupys latvīšu i skandinavu tradicionaluos (i akademiskuos) muzykys pīredze, viestej grupys puorstuovi.

Par jaunū albumu tuo skaņdorbu autore Liene Brence soka: “Albums “Ceļā” ir simboliskys stuosts par tū, kai mes kai muosys īmam vīna pi ūrys, kai asam atsagrīzušys Latgolā, kaids kurai nu myusu bejs dzeivis ceļš, ari tys ceļš, kū mes niu dorim kasdīnā, kai kotra asam atrodušys sovu dzeivisbīdru, kaids ir myusu mīlesteibys ceļš.”