LATGALĪŠU KULTURYS KUSTEIBYS “VOLŪDA” 20 GODU JUBILEJA
LATGALĪŠU KULTURYS KUSTEIBYS “VOLŪDA” 20 GODU JUBILEJA
Divdesmit godu laikā latgalīšu kulturys kusteiba “Volūda” palykuse par vīnu nu radzamuokūs latgaliskuos kulturys organizaceju, mierktīceigai styprynojūt latgalīšu volūdys vierteibu i byušonu kluotyn sabīdreibā. Tei uztur vīneigū piļneibā latgaliskū medeju Latvejā – lakuga.lv, izdūd gruomotys i audio dorbus, reikoj kursus, literaturys konkursus (tymā skaitā “Latgolys prozys skaitejumus”) i puorstuov latgalīšu volūdu storptautyskūs pasuokumūs.