Latgalīšu kulturys ziņu portalam lakuga.lv ir cīši lela nūzeime gon latgaliskuos kulturys, gon latgalīšu volūdys saglobuošonā i populariziešonā. Portals vēļ arviņ ir vīneigais medejs, kura saturs ir tik latgalīšu rokstu volūdā, pārn publicāti 350 roksti latgaliski i informativi atbaļsteitys latgaliskuos nūtikšonys. Pi vysa portals, sasadorbojūt ar raidejumu „Kolnasāta”, organizēja pasauļa diktatu latgalīšu volūdā, kai ari sataiseja aplikacejis „WhatsApp” uzleimis ar latgaliskim vuordim i tekstim.