Desmit stuostu garumā Latvejis Radejā skanēje LR Latgolys studejis veiduotuo rubrika “Latgales kongress. 10 stāsti”. Rubrika beja veļteita 1917. goda 9. i 10. majā (piec vacuo stila 26. i 27. aprelī) Rēzeknē nūtykušajai Latgolys latvīšu puorstuovu sanuoksmei. “Latgales kongress. 10 stāsti” skaidruoje Latgolys viesturis sovpateibys i atškireibys nu puorejūs Latvejis nūvodu, īpazeistynuoje ar īvāruojamuokajim kongresa delegatim, pieteka kongresa nūrisi i pījimtūs lāmumus. Stuostu sagataveišonā tyka intarvāti viesturnīki i sabīdriskī darbinīki.

Leidz itam stuostu cyklam medejūs eipaši daudz natyka runuots par Latgolys kongresa nūzeimi, tys pyrmais popularzynuotniskā veidā izskaidruoje Latgolys viesturiskū situaceju pyrma Latgolys kongresa, kokongresa nūtikšonys i laiku piec tom. Puorejī TV i radejis raidejumi, kas ari skaidruoje Latgolys kongresa nūzeimi, sekuoje piec tam.

Latvejis Radejis eterā izskaniejušī stuosti beja losami portalā lsm.lv, tūs papyldynuoje viesturiskuos fotografejis i kolažys, kas padareja stuostu saistūšuoku i vīgluok uztveramu.