Maruta Latkovska dzymuse 1954. goda 3. martā Viļānūs. Piec žurnalistikys studejom i dorba žurnalā “Padomju Latvijas Sieviete” Maruta atsagrīze Viļānūs. 1988. godā Marutu Latkovsku uzrunuoja bazneickungs Andrejs Aglonietis, lyudzūt pīsadaleit žurnala “Katōļu Dzeive” atjaunuošonā. Žurnala pyrmais atjaunuotais numers izguoja 1989. goda pavasarī, Maruta guoduoje par žurnala izdūšonu 26 godu garumā, asūt tuo redaktore. Piečuokūs godūs ar žurnala “Katōļu Dzeive” ryupem izdūtys ari vairuokys gruomotys latgaliski. Vysus garūs godus žurnals “Katōļu Dzeive” spieje saglobuot ari latgaliski raksteitū vuordu. Žurnala puslopuos publicāts daudzi literatu i publicitikys dorbu. Latgolā labi zynomi ari Marutys Latkovskys taiseitī radejis raidejumi “Volūdys vaicuojums”, kurymūs jei atkluoje latgalīšu volūdys niaņsis i mozuok zynomū.