Myusdīnu latgalīšu tekstu korpuss* “MuLa2022” ir veiduots, tehniski pylnveidojūt i paplašynūt īprīkš izveiduotū korpusu “MuLa2012” ar jaunuokim tekstim, kuru raksteiba leluokūtīs atbylst 2007. godā pījimtajim ortografejis nūsacejumim.

“MuLa2022” ir vīns nu VPP projekta “Digitālie resursi humanitārajām zinātnēm: integrācija un attīstība” rezultatim. Korpusa satura veiduotuoji ir Rēzeknis Tehnologeju akadamejis pietnīki, sovukuort tehniskū nūdrūšynuojumu veic Latvijas Universitātes Matemātikas un informātikas institūts. “MuLa2022” korpusam ir svareiga lūma myusdīnu latgalīšu rokstu volūdys dokumentiešonā, tuo saturs ir specialai sagataveits i atlaseits, korpusā īkļauti latgalīšu volūdys kūpīnai nūzeimeigi teksti ar metadatim (nūruodem par teksta autoru, izdavumu, publiciešonys godu). Korpuss ir nūdereigs na tikai volūdys pietnīkim, školuotuojim i tim, kas vuicuos volūdu, bet ari kotram latgalīšu volūdys kūpīnys puorstuovam. Tekstu korpuss ir izejis punkts volūdys tehnologejom i reikim (pīmāram, pareizraksteibys puorbaudeituojim), korpusa dati ir pamats myusdīnu vuordineicu sagataveišonai, i korpuss teik izmontuots, izstruodojūt volūdys vuiceibu materialus.