Dzejnīks, publicists, folklorys vuociejs i pietnīks, lokaluos viesturis pietnīks Ontons Slišāns dzims 1948. goda 28. decembrī Škilbanu pogostā. Sovu myužu i laiku Ontons veļteja sova dzymtuo nūvoda tradiceju apzynuošonai, kūpšonai, nūvodnīku pīminis saglobuošonai i īdzeivynuošonai i latgalīšu volūdai. Jis ceiteigai vuoce i pīraksteja folkloru Škilbanu i Baltinovys pogostūs. Dybynuoja Rekovys i Upītes etnografiskūs ansambļus, organiziejs i vadiejs naskaitomus pasuokumus, festivala “Upītes Uobeļduorzs” idejis autors. Juo vadeituo zemnīku saimisteiba “Jākupāni” izdeve vairuokys Ontons Slišāna i cytu autoru gruomotys. Sarakstejs i izdevs 29 gruomotys dzejā i prozā bārnim i pīaugušajim, tuos izdūtys gon latgalīšu, gon latvīšu literarajā volūdā. 2000. godā O. Slyšāns sajēme Lelū folklorys goda bolvu. Myužeibā Ontons Slišāns nūguoja 2010. goda 15. decembrī, bolva padūta juo tyvynīkim.