“Piļsāta pi upis” ir 2020. goda skateituokuo kina Latvejis kinuteatrūs, tū ir nūsavāruši ap 70 000 skateituoju. Latvejis Nacionalajā kinu bolvā “Lielais Kristaps” kina tyka izvirzeita 15 nominacejom i tyka apbolvuota četruos nominacejuos. Kai sacejs kinys režisors Viesturs Kairišs: “Kina ir latgalīšu volūdā – skaistuokajā pasauļa volūdā.”

Filmys pamatā ir attīceibu stuosts, meilys treisstyurs, iz paguojušuo godu symta 30.–40. godu viesturiskūs nūtykumu puormaiņu fona. Dailmaļavuotuoja Aņša īcarātuo ir ebreju meitine Zisla, tok mārgys tāvs līk jūs mīlesteibai škieršļus. Saīt tai, ka itymā laikā Aņša dzeivē pasaruoda šmukuo latvīte Naida. Storp treis varom, kas sabrodoj Aņša piļsātu, divom sīvītem, kurys plūsa juo sirdi, īspiejama tikai vīna izvēle.